Bismillah ku angkat sumbah
Jama puakhi sai kikhi kanan
Nyaman kantu nasib sinji salah
Mahap puakhi …... kantu mak sopan.
Kantu mak sopan di hingga gaya
Sikam dua je mangkung biasa
Sanak sakik balak di huma
Khalang kok campokh puakhi …… di indai kanca.
Khalang kak campokh di indai kanca
Mangkung kakheti di tata cakha
Babuak ne khadu sedia
Kanikan cutik puakhi …… kham jama-jama.
Kanikan cutik kham jama-jama
Puakhi sa unyin ne sai wat dija
Kantu bang wat sai salah khasa
Dang disanik ko puakhi …… guwai cakhita.
Dang di sanik kon guwai cakhita
Kantu bang sikam dija sai liyom
Kidang gedah ne ki hati haga
Lain hak moneh puakhi …… ki sangking nalom.
Bismillah ya nal bab, ittadaina ya bilbab ……
Yula-yuli sikamarillah
Anak ne nabi Siti Fatimah
Tekhang kon hati hamba mu Allah
Gegoh hati ni ya Rasulullah.
Buah cangkih wi dang dipetis
Ki ya dipetis lalak khasa ne
Babuak khek uway mak khasa emis
Muat bugula pahik khasa ne.
Ekheng-ekheng sekhom pu ekheng
Haga nuju lanok ne bias
Kanik puakhi buak di pekheng
Inum moneh puakhi …… uway di gelas.
Buah ne mangga wi dang dibelah
Ki dibelah mak helau lagi
Kantu bang nasip sikam dua je salah
Dang guwai cakhita mid dija dudi.
Nabik-tabik sambung puakhi …… pai andah kuti.
