PAPANCOKH KEJUNG : SILSILAH PINDAH KHANG

Ganta ganti pubalah

Sekedakh bucakhita

Ku bacako silsilah

Si wat di sikindua.

Silsilah pindah –pindah

Umpu Adam khik Hawa

Mid kabelah-kabelah

Sampai ya mit Way Lima.

Nukhut cakhita tuha

Asal mula ni Lampung

Cakhita bucakhita

Asal jak ............

Sanghiyang Sakti Nyata

Takhu di tanoh Pugung

Ya wat ni pitu Khaja.

Khaja atawa Umpu

Unyin ni sakti-sakti

Putabokh tian pitu

Haga nyepok negekhi.

Sai jak tian pitu

Penuh yakin didikhi

Mula ya wat nunggu

Umpu si nomor pak

Umpu Kesaktian Jitu

Takhu di tanoh unggak

Hinji si jadi Khatu

Di Kuala Sakha

Sampai ya nganak ngumpu

Kajong ni gila khua.

Sai anak ni si tuha

Sebelas anak si ngukha

Tiyan putabokh mena

Pindah mit dipa-dipa

Wat munggak wat mid liba.

Si Halom anak nomor pak

Jalma gagah pakhkasa

Tungga anak tuha ni Bapak

Si nomor telu ............

Nomor lima ya Salagai

Kaenom gelakh Sekha

Tiyan nukhun ko buay

Tukhunan Lampung ganta

Jahik mak katinggalan

Nomor walu ni Cumbu

Khasau, Khukhing khik Bamban

Liyoh si paling bungsu.

Halom wat anak telu

Samenguk Hulu Dalung

Hena si nomor satu

Galah pelok dapok disambung

Khena sakti ni ilmu

Samenguk Tamba Kukha

Dapok ngubati kuyang

Hena si nomor dua

Jalma buhati lapang

Samenguk Tundun Belang

Jalma si nalom cawa

Kacacah khik kabilang

Hena si nomor tiga.

Sumber : Artikel Way Lima Manjau